ස්වාමීන්වහන්සේට සුභ උපන්දිනයක් වේවා

මේ පින්බර වෙසක් මාසේ නව වන අද දිනට ජන්ම දිනය යෙදි ඇති අපගේ ගුරු ස්වාමීන් වහන්සේ වන මාන්කඩවල සුදස්සන ස්වාමීන් වහන්සේට නිදුක් නීරෝගී සුභ උපන්දිනයක් වේවා. භාවනා කටයුතු දිනෙන් දින සාර්ථක වී, සිතන පතන බෝධියකින් අජර, අමර, නිර්වාණ සුවය සාක්ශාත් වේවා.

බෞද්ධයා නාලිකාවේ ධර්ම දේශනා විකාශය

අතිපූජනීය මාන්කඩවල සුදස්සන ස්වාමීන් වහන්සේ විසින් 2019 පෙබරවාරි 01 හා 02 යන දිනයන්හිදී ඕස්ට්‍රේලියාවේ සිඩ්නි නුවර ලංකාරාම බෞද්ධ විහාරයේදී පවත්වන ලද චතුරාර්‍යය සත්‍යය හා පටිච්චසමුප්පාදය මැනවින් විස්තර කෙරෙන අති ගම්භීර වූ ධර්ම දේශනා ත්‍රිත්වය 2019 අප්‍රේල් 19 බක් පුර පසලොස්වක පුන් පොහෝ දින රාත්‍රී 6.30 සිට පුරා පැය 06ක් මුළුල්ලේ බෞද්ධයා රූපවාහිනී නාලිකාව ඔස්සේ විකාශය කෙරේ. බෞද්ධයා ගුවන් විදුලිය ඔස්සේ සමගාමී විකාශයක්ද සිදු කෙරෙනු ඇත.

සියළු දෙනා දැනුවත් කිරීමෙන් මෙම ධර්ම දානයට ඔබටද දායක විය හැකිය.

නව ධර්ම දේශනා සහ අලුත් පොත

සුදස්සන හිමියන් විසින් මාර්තුමස පවත්වන ලද දේශනා 4 ක පටිගත කිරීම් අප වෙත ලැබී ඇත. ඒවා පහතින් ලබාගන්න. මේවා අප වෙත එවූ පින්වතුන්ට මේ ධර්ම දානමය පින අයත් වේ.

සෝවාන් වීමට නම් – අලුත් පොත

ඕස්ට්‍රේලියාවේ සිඩ්නි නුවර 2019-02-01 වැනි දින පවත්වන ලද ධර්ම දේශනාව පිටපත් කර මාතර මුණිදාස මහතාගේ මූලිකත්වයෙන් අලුතින්ම සකසන ලද ‘සෝවාන් වීමට නම්’ නම් පිටු 62 කින් යුත් ධර්ම ග්‍රන්ථය මුද්‍රණය කර බෙදා දෙන්නයි කටයුතු යොදා තිබෙන්නේ. පිටපතක් රු 34 කි.

පොතේ අන්තර්ජාල සංස්කරණය

නවම් පෝය දේශනාව සහ ඉංග්‍රීසි පොත

සුදස්සන හිමියන් විසින් පසුගිය නවම් පෝ දින පැවැත්වූ දේශනාව පින්වත් හර්ෂ මහතා විසින් එවන ලදුව පහතින් පළකර ඇත. එතුමාට මේ ධර්ම දානමය පින අයත්වේ.

2019-02-19 නවම් පෝ දින දේශනාව

New English Book

A dhamma talk conducted by Ven Sudassana thero in Melbourne few years back named “සහවස්ස දස්සන සම්පදාය” has been translated to English by Mr Anura Jayawardena. The book PDF which also contains his contact details can be downloaded below. Do print it and give to your English speaking friends who can not understand Sinhala but are interested in learning Dhamma.

Gaining of Insight – English Book

ඕස්ට්‍රේලියාවේ පටිගත කිරීම් – සිඩ්නි නුවර

සුදස්සන ස්වාමීන්වහන්සේ විසින් ඕස්ට්‍රේලියාවේදී මේ දක්වා පවත්වන ලද දේශනා වල පටිගත කිරීම් 25 ක් අප වෙත ලැබී ඇත. ඒවා පහත ගොනුවෙන් භාගත කරගන්න.

ඕස්ට්‍රේලියාවේ ධර්ම දේශනා අඩංගු ගොනුව

මීට අමතරව දෙසැම්බර් මස බසවක්කුලමේදී පැවැත්වූ භාවනා වැඩසටහනේදී සුදස්සන හිමියන් විසින් සිදුකරන ලද දේශනා දෙකේ හඬ සහ වීඩියෝ පටිගත කිරීම් ද වෙබ්අඩවියට සහ youtube වලට ඇතුළු කර ඇත.

2018-12-02 බසවක්කුලම වැඩසටහන – හඬ පටිගත කිරීම්

වීඩියෝ 1වීඩියෝ 2

මේ දේශනා අප වෙත එවූ අමල් ලියනාරච්චි සහ හර්ෂ සිරිවර්ධන සොයුරන්ට මේ ධර්ම දානමය පින් අයත් වේ

ඕස්ට්‍රේලියාවේ ධර්ම දේශනා සහ අලුත් පොත

සුදස්සන ස්වාමීන්වහන්සේ විසින් ඕස්ට්‍රේලියාවේදී මේ දක්වා පවත්වන ලද දේශනා වල පටිගත කිරීම් අප වෙත ලැබී ඇත. ඒවා පහත ගොනුවෙන් භාගත කරගන්න. මේ දේශනා අප වෙත එවූ අමල් ලියනාරච්චි සොයුරාට මේ ධර්ම දානමය පින් අයත් වේ

ඕස්ට්‍රේලියාවේ ධර්ම දේශනා අඩංගු ගොනුව

මාර පරාජය අලුත් පොත

පුජ්‍යපාද මාන්කඩවල සුදස්සන ස්වාමීන් වහන්සේ විසින් පසුගිය 2018-10-27 දින පැවැත්වූ වස්සාන දේශනාව පිටපත් කර මාතර මුණිදාස මහතාගේ මූලිකත්වයෙන් අලුතින්ම සකසන ලද ‘මාර පරාජය’ නම් පිටු 62 කින් යුත් ධර්ම ග්‍රන්ථය මුද්‍රණය කර බෙදා දෙන්නයි කටයුතු යොදා තිබෙන්නේ. පිටපතක් රු 18 කි.

පොතේ අන්තර්ජාල සංස්කරණය

ධම්මහදය විහාරයේ භාවනා වැඩසටහනේ පටිගත කිරීම්

2019-01-06 ඉරිදා දින සුදස්සන හිමියන් විසින් 2019 වසරේ මුලින්ම පැවැත්වූ භාවනා වැඩසටහනේ උන්වහන්සේ විසින් සිදුකල දේශනා තුනක පටිගත කිරීම් පහතින් ලබාගන්න. ඒවා අප වෙත එවූ රසික නිරෝෂන් මහතාට මේ ධර්ම දානමය පින අයත් වේ.

උන්වහන්සේ අද දින ඕස්ට්‍රේලියාව සහ නවසීලන්තය වෙත වැඩම කරන අතර මාර්තු 5 වැනිදා දක්වා එහි ධර්ම දේශනා පවත්වනු ඇත.
 

සුදස්සන හිමියන්ගේ භාවනා වැඩසටහනක් හෙට දින ධම්මහදය විහාරයේදී

ත්‍රිපිටකය ජාතික උරුමයක් කිරීම සඳහා විභජ්ජවාදී වැඩසටහන හරහා දරදිය අද්දා වූ සියලුම දෙනාට අපගේ නමස්කාරය වේවා.

සදහම් වර්ෂා – ඔස්ට්‍රේලියාවේ හා නවසීලන්නයේ ධර්ම දේශනා

2019-01-08 සිට 2019-03-05 දක්වා පූජ්‍යපාද මාන්කඩවල සුදස්සන ස්වාමීන් වහන්සේගේ හා පූජ්‍යපාද මාන්කඩවල නන්දරතන ස්වාමීන් වහන්සේගේ වැඩමවීමෙන් ඔස්ට්‍රේලියානු හා නවසීලන්නයේදී සිදු කරන සදහම් දේශනා. මේ පනිවිඩය හැකිතාක් බෙදා හරින්න

“මෙතෙරින් එතෙරට” අලුත් පොත

පුජ්‍යපාද මාන්කඩවල සුදස්සන ස්වාමීන් වහන්සේ විසින් පසුගිය 09-24 දින පැවැත්වූ දේශනාව පිටපත් කර මාතර මුණිදාස මහතාගේ මූලිකත්වයෙන් අලුතින්ම සකසන ලද ‘මෙතෙරින් එතෙරට’ නම් පිටු 52 කින් යුත් ධර්ම ග්‍රන්ථය මුද්‍රණය කර බෙදා දෙන්නයි කටයුතු යොදා තිබෙන්නේ. පිටපතක් රු 30 කි. පිටපත් අවශ්‍ය අය එතුමාට දැනුම් දෙන්න.

පොතේ අන්තර්ජාල සංස්කරණය